Festa e birres 2010 Mijëra vizitorë, zgjedhin Korçën në Gusht!. 140 000 gota birre të konsumuara në 4 netët e Festës së Birrës Festa e birrës”, e them me bindje të plotë, është festa më e madhe në Ballkan që organizon vetëm qyteti i Korçës dhe që i takon popullit të mbarë trojeve shqiptare Volfran Shkëmbi Festa e Birrës shënoi kulmin e sezonit turistik për qytetin e Korçës.  Pas suksesit të tre viteve më parë, kjo festë erdhi këtë vit, në edicionin e katërt  të saj, e shumëfishuar në të gjitha komponentët. Korça, tashmë i vetmi qytet në Shqipëri që organizon festën e birrës është kthyer në qendren e festimeve verore në Shqiperi.     Këtë vit u rrit numri i kompanive pjesëmarrëse, të cilat së bashku me sponsorat (AMC, Union Bank, Emporiki Bank, Konstruksion 93, Xromodhomi Albania, Albstar, Favina si dhe Universiteti Kristal) kanë siguruar dhe mbështetjen kryesore financiare për realizmin e festës së birrës.  Pjesëmarrës në këtë event të madh kanë qënë Birra Korça, Birra Kaon, Birra Skopsko, Birra Peja, Birra Bavaria, Sallameri Fiks, Sallameri Caca, Sallameri Tanka si dhe pastiçeri Dajana.     Kanë qenë mijëra qytetarë të Korçës si dhe vizitorë vendas apo të huaj  që kanë zgjedhur të mos mungojnë tek “Festa e birres” nga datat 12- 15 Gusht. Festa u shoqërua me një spektakël me emrat më të njohur të muzikës shqiptare dhe jo vetëm. Në natën finale kulmuan 2 grupe të huaja angleze, Elita 5 live si dhe këngëtari i mirënjohur grek Lefteris Pantazis.    Tashmë qyteti i Korçës ka konsoliduar një profil të vecantë turistik “Korça, qyteti i festave”, i cili po sjell edhe rezultatet e veta në zhvillimin e turizmit dhe rrjedhimisht në stimulimin e biznesit dhe ekonomisë lokale.    Shikoni VIDEOT e festes kthehuni mbrapa

Historiku i festes se birres ne Korce

• Komente...

  (Lexoni të gjitha)